O ala-pivote Alejandro Galán e o Monbus Obradoiro chegaron a un acordo para a incorporación do xogador estremeño.

Galán xogou as dúas pasadas temporadas no Leyma Básquet Coruña. No último curso, ademais, conseguiu o ascenso directo á Liga Endesa, promediando 17,6 minutos por partido, 5,6 puntos, 2,8 rebotes e unhas porcentaxes de 60,7% en tiros de campo e 47% en triplas. Antes, Galán xogou tres temporadas en Primera FEB co HLA Alicante, promediando 7,7 puntos e 4 rebotes, e chegou a debutar na Liga Endesa co Surne Bilbao na tempada 2021/2022.

O director xeral do Monbus Obradoiro, Héctor Galán, destacou a súa xuventude e a súa experiencia en Primera FEB: “Malia que é un xogador novo e en proceso de crecemento, xa ten moita experiencia na competición. Pode xogar nas dúas posicións interiores, ten ameaza no poste e tamén no tiro de tres. Polo seu físico pode axudar no rebote ofensivo e alternar en defensa as dúas posicións interiores, defendendo tanto a xogadores grandes como a outros máis pequenos. Agardamos que siga crecendo con nós e que teña unha adaptación rápida”.

O Monbus Obradoiro incorpora a Alejandro Galán

Últimas novas