Curro Segura, na rolda de prensa posterior ao partido, mostrouse satisfeito co rendemento do seu equipo en Vistalegre, e comentou que “a pesar da derrota fixemos un gran esforzo pola nosa banda para superar as innumerables baixas. Mesmo conseguimos empezar dominando. Non con rendas amplas, pero sentíndonos cómodos tanto en ataque como en defensa. Con todo, coa rotación no segundo cuarto igualáronnos. A segunda parte dominárona eles pero loitamos até o final”.

Respecto da influencia do cansazo dos seus xogadores no resultado final do partido, o adestrador sinalou que “O Madrid conseguiu frear a Kostas na segunda parte. En parte pola súa boa defensa. Pero a falta de rotación polas baixas traduciuse en cansazo acumulado na segunda metade, e iso levou a fallar tiros que si se acertaron na primeira”.