O próximo martes 10 de decembro ás 20:30 horas, o Monbus Obradoiro enfrontarase ao Real Betis Baloncesto no Multiusos Fontes do Sar. Con motivo deste partido, o club, en colaboración coa Universidade de Santiago de Compostela, lanza unha promoción especial para a comunidade universitaria, con prezos e oportunidades exclusivas.
A promoción inclúe tres modalidades de entradas:
- 100 entradas gratuítas, para os máis rápidos.
- 200 entradas a 3 euros cada unha.
- 300 entradas a 5 euros cada unha, sempre que o aforo o permita.
Todas as entradas estarán situadas na Tribuna 2 do Multiusos Fontes do Sar.
Para beneficiarse desta promoción, os asistentes deberán presentar a súa Tarxeta Universitaria de Identidade (TUI) que acredite a súa condición de membro da comunidade universitaria no acceso ao pavillón.
Os códigos promocionais necesarios para adquirir estas entradas xa están dispoñibles na páxina web do Monbus Obradoiro:
- USC0924 para as 100 entradas gratuítas.
- USC1024 para as 200 entradas a 3 euros.
- USC1124 para as 300 entradas a 5 euros
.
O Monbus Obradoiro, con esta iniciativa, busca achegar o deporte de elite á comunidade universitaria, fomentando a súa participación no emocionante ambiente do Multiusos Fontes do Sar.
Non perdas a oportunidade de gozar do mellor baloncesto en directo e vive un martes universitario único na Caldeira!
