Aos seus 25 anos, Davison, de 193 cm de altura, xoga de escolta e chega a Santiago de Compostela procedente de Primera FEB, na que competiu co HLA Alicante e asinou 18,9 puntos, 2,9 rebotes e 2,5 asistencias por partido.

Na súa etapa universitaria, Davison xogou cinco anos en Wisconsin Badgers, conxunto co que tivo actuacións salientábeis no torneo do March Madness. Na súa etapa con Wisconsin asinou unha media de 11,4 puntos, 2,1 asistencias e 2,5 rebotes por partido en máis de 160 partidos desputados na NCAA. Na última tempada na liga universitaria elevou as súas estatísticas ata os 14,1 puntos, 4 rebotes e 2,1 asistencias por partido.

Antes de chegar ao HLA Alicante tamén pola primeira división lituana, onde xogou co Nevezis e asinou unha media de 13,9 puntos, 3,5 rebotes e 3,3 asistencias por partido.

O director xeral do Monbus Obradoiro, Héctor Galán, amosou a súa satisfacción pola incorporación do escolta estadounidense: “Brad Davison fixo unha moi boa tempada o ano pasado en Alicante, no que foi o seu primeiro ano en España. Respecto ás súas cualidades ten unha gran capacidade de anotación, de ameaza exterior e de xerar os seus propios tiros e tamén para os compañeiros. É un xogador con carácter e é moi competitivo. Evidentemente será unha das referencias ofensivas do equipo, pero tamén confiamos en que axude co seu físico, o seu carácter e a súa fortaleza no traballo defensivo. Estamos seguros de que vai axudar a elevar o nivel do equipo e a ter un nivel de competitividade o máis alto posible. Desexamos que se adapte rapidamente ao club e á cidade e estamos convencidos de que será unha peza chave nesta tempada”.

Brad Davison, novo reforzo para o Monbus Obradoiro

Últimas novas